பிம்பங்களால் நிறைந்திருக்கிறது
வாழ்க்கை!
ஒவ்வொருவர் மீதும்
ஒரு பிம்பம்
நமக்கும் இருக்க
நம் மீதும்
மகிழ்ச்சி பிம்பம்
உற்சாகத்தின் பிம்பம்
சோக பிம்பம்
அறிவு ஜீவி பிம்பம்
முட்டாள் பிம்பம் என
ஒவ்வொருவருக்கும் ஒரு பிம்பமிருக்கிறது;
அதற்கு ஏற்றவாறும்
சில சமயங்களில்
நாமும் நடக்க வேண்டிருக்கிறது!
சுயத்தின் தேடலில்
கண்ணாடி முன்
உற்று நோக்கலில்
நமட்டு சிரிப்புடன்
நமது
ஏதேனும் ஒரு பிம்பமே
முன் வந்து நிற்கிறது!
கடைசியில்
வாழ்வது
நாமா
நம் பிம்பமா
என்று தெரியாமலேயே
வாழ்ந்து கொண்டிருக்கிறோம்!
No comments:
Post a Comment