மகாத்மா தேசமாம்-
இருப்பினும்
கரண்சி வாசமே
இங்கு சுவாசமாய்!
இது
போதி மரங்களின் தோப்பாம்-
இருப்பினும்
போதையின் பிடியில்
பித்தர்கள்!
இது
மனுநீதி்ச் சோழனின் மண்ணாம்-
இருப்பினும்
முன்ஜாமீன்களும்
முடிவடையாத கமிஷன்களும்
ஆள்வோர்க்கு
வளையும் சட்டங்களும்!
இது
ஏகலைவர்கள் நாடாம்-
இருப்பினும்
எண்ணிலடங்கா
கல்லூரிகளும்
கழுத்தை நெறிக்கும்
கட்டணங்களும்!
இது
ஷாஜகான் மும்தாஜ்களின் நந்தவனமாம்-
இருப்பினும்
கண்மூடித்தனமான
காதல் ஈர்ப்புகளும்
காலம் கடந்த
அங்கலாய்ப்புகளும்!
இந்தியன் என்று சொல்வதில்
பெருமையாக தான் இருக்கிறது-
உதாரண புருஷர்கள் மட்டும்
ஒரு கோடி பேர் இருப்பதால்!
